Agjencia e Akreditimit e Kosovës/ AAK

Agjencia e Akreditimit e Kosovës (AAK) është themeluar nga Ministria e Arsimit, Shkencës dhe Teknologjisë (MASHT) në pajtim me Ligjin mbi Arsimin e Lartë (2003/14) në Kosove, si Agjenci që garanton cilësinë e punës arsimore dhe kërkimore shkencore ne Institucionet e Arsimit te lartë në Kosovë.   

 AAK është Agjenci publike për vlerësimin e cilësisë në  institucionet publike dhe private të arsimit të lartë. Përmes procesit të akreditimit përkrahë zhvillimin e cilësisë në këto institucione.

Agjencia e Akreditimit e Kosovës  ka baza ligjore për akreditimin e të gjitha institucioneve të arsimit të lartë që ofrojnë ose duan të ofrojnë programe në arsimin e lartë dhe të japin grada akademike.

Përgjegjësitë e AAK dhe kriteret e akreditimit janë dhënë në Ligjin mbi Arsimin e Lartë në Kosovë (Rr. nr. 2003/14, datë 12/05/2003), Udhëzimin Administrativ mbi Licencimin e Bartësve Privatë të Arsimit të Lartë në Kosovë (nr. 14/2003, datë 17/07/2003), Udhëzimin Administrativ mbi Themelimin e Agjencisë të Akreditimit të Kosovës (nr. 14/2004, datë 16/02/2004), Udhëzimin Administrativ për akreditimin e institucioneve të arsimit të lartë në Republikën e Kosovës (nr. 2/ 2009, datë 06/01/2009) dhe  Udhëzimin Administrativ mbi kriteret dhe procedurat për akreditimin e shkollave të larta profesionale dhe shkollave të larta teknike në Republikën e Kosovës (nr. 12/ 2009, date 05/06/2009).

Përgjegjësitë primare të AAK janë:   

• Akreditimi i institucioneve publike dhe private të arsimit të lartë,
• Akreditimi i institucioneve  të reja  të arsimit të lartë dhe programeve të tyre,
• Akreditimi i programeve të reja në institucionet e arsimit të lartë që kanë një akreditim,
• Kontrolli i vazhdueshëm i cilësisë në institucionet e akredituara dhe programeve të tyre.

Fokusi i akreditimit

AAK bënë akreditimin e institucioneve dhe programeve akademike përmes procedurave formale dhe transparente që ofrojnë standarde ndërkombëtarisht të krahasueshme.

Institucionet dhe programet te cilat i ofrojnë ata vlerësohen që te sigurohen se i plotësojnë kërkesat minimale për cilësi.  

Përmes akreditimin sigurohen të gjitha palët e interesit, kosovare dhe te huaja, se cilësia në mësimdhënie dhe mësimnxënie përmbushë standardet ndërkombëtare.

Akreditimi gjithashtu e rritë transparencën  në tregun kompleks të ofertuesve kombëtarë dhe ndërkombëtare të arsimit te larte, si atyre publik apo  privat.

Kohëzgjatja e akreditimit

Institucionet e arsimit të lartë akreditohen për një periudhë të caktuar kohore të cilën e cakton Këshilli Kombëtar i Cilësisë. Kërkesa për riakreditim duhet të dorëzohet në AAK së paku një vit para skadimit të akreditimit paraprak. Nëse aplikacioni për vazhdimin e akreditimit nuk paraqitet me kohë, vjen gjer te ndërprerja e akreditimit.

Publikimet

Me qëllim të informimit publikut dhe plotësimit te obligimit për te qene transparent, AAK  publikon në web faqen e saj  listën e të gjitha institucioneve të arsimit të lartë të akredituara në nivel institucional dhe të programeve, si dhe specifikimi i gradave akademike që ato munden ti japin. Institucionet që kanë aplikuar dhe vendimet tjera për akreditim do te listohen gjithashtu.

AAK do të publikon Udhëzuesit e saj për Akreditim (kriteret, listat kontrolluese, etj) si dhe do te mundësoj qasje ne dokumentet tjera sipas kërkesës.